Sun, Apr 26th 2009, 09:19

Phak luyak

Karya Mustafa Ibrahim Delima

Puisi-puisi
Phak luyak layee
Peng sijuta tinggai siribee
Meunyoe kalheuh ta bri sumbangan
Wahe e rakan bek le talakee
Phak luyak layee
Baroekon jak ngon tapak, jinoe seuk deungon seungkee
Watee seunang talikak-likak
Watee sosah seungab lagee bate
Phak luyak luyoe
Watee matee tinggai sidroe
Habeh lampoh bak meuladang, habeh blang teumpat meugoe
Bak peuturot naleung panyang keunaleung blang tapeutuwoe
Phak luyak luyoe
Aneuk miet meuen gandoe
Baroe jeh kon hudep seunang jinoe sayang ka meucawoe
Baroe jeh kon hudep lam prang jinoe rakan kana moto
Phak luyak luyet
Leue that ureung kabeh saket
Rata sagoe teudong utang, rata rakan geumeusulet
Ka hana le tumpoe timphan yang na sajan syit kupi phet

MUSTAFA; mahasiswa Fakultas Ekonomi, Unsyiah.